ډاکټران: په غواګانو کې د غوټې ناروغي ساري او مرګونې ده

دغه راز  دوی وايي، ياده ناروغي په حيواناتو کې ساري او مرګونې ده.

حيواني ډاکټر محمد ضمير بهسودی وايي:« اخته کيدل په دې ډول دي،چې په غواګانو کې په ټول بدن باندې دانې راخيژي او د دانو له امله  زخم پیدا کيږي او دا  درمنله نه لري.  دا یوه ویروسي ناروغي دهؤ،انسانانو ته نه انتقاليږي البته په حيواناتو کې ساري ناروغي ده.»

بهسودي  وايي، سپارښتنه یې داده،هغه حيوانات چې د يادې ناروغۍ له امله مړه شوې وي، د ځمکې لاندې په دوه مترۍ  کې دېخښ کړل شي، تر څو  نورو حيواناتو ته دغواګانو غوټي ناروغۍ د انتقال مخنيوی شوي.

هغه زیاتوي:«مړ حيوان بايد دوه متره ځمکه کې کنده وکيندل شي او تر خاورو لاندې شي،له د دغه مړ حيوان نور حيواناتو ته هم دغه ناروغي انتقاليږي.»

د کرنې او مالدارۍ وزارت ویاند مصباح الدین مستعین بیا وايي، د يادې ناروغۍ د مخنيوي او د ناروغو غواګانو د  درملنې په موخه يې ۱۰۲ زرو دوزو واکيسن د اخېستلو چارې کړندۍ کړي،خو اخېستل یې نهايي شوې نه دي.

مستعين زیاتوي:«   د کرنې او مالدارۍ وزارت  د يو پې او موسيسي په مرسته باندې شااوخوا ۱۰۰ زره دوزه  واکسين د اخېستلو کار روان کړی دی، خو تراوسه پورې لا سرته نه دی رسیدلی.»

په غواګانو کې د غوټي ناروغي،چې په لومړي ځل یې په پاکستان کې مثبتې پیښې ثبت شوې وي،چې له هغې وروسته  په ختيځ او په ځانګړې توګه ننګرهار کې   د يادې ناروغۍ نښې څرګند شوې،چې له امله یې مال لرونکو ت ته ګڼ مالي زيانونه اوښتي دي.