د راپور یوه برخه:« که څه هم افغانستان کې د تېر کال پرتله شخړې کمې شوي،خو ماشومان لا هم له هغه تاوتریخوالي سره مخ دي،چې مخکې یې شاهدان وو. ګڼو ماشومانو خپل خپلوان له لاسه ورکړي او اوس هم خونړیو بریدونو کې له دوی قرباني اخېستل کیږي. زده کوونکي او ښوونیز مرکزونه په نښه کیږي.»
که څه هم د روغتیا په برخه کې ستونزې کومه نوې موضوع نه ده،خو د اسلامي امارت له واکمن کېدو وروسته افغانان له یو ډول رواني ناروغیو سره مخ دي او اصلي لامل یې بې کاري او روان اقتصادي بحران بلل کیږي.
اوس غوښتنه دا ده،چې د روغتیایي سیسټم د معیاري کولو لپاره دې هر اړخیزې هڅې وشي،ترڅو افغانان بهرنیو هېوادونو او په ځانګړي ډول ګاونډیو هېوادونو ته د تلو له مجبوریتونو خلاص شي.
