د عامې روغتیا وزارت د بهرنیو او داخلي ډاکټرانو د فعالیت تنظیمولو په موخه له خصوصي روغتیايي مرکزونو د څار لړۍ پیل کړه.
د دغه وزارت مسوولین وايي، په دې لړۍ کې به په خصوصي روغتیايي مرکزونو کې د بهرنیو او داخلي ډاکټرانو، نرسانو او نورو روغتیایي کارکوونکو د حضور، فعالیت، تحصیلي اسناد، جوازونه او د اقامت سندونه وڅېړل شي او د سرغړونو په صورت کې د قانوني اقداماتو خبرداری هم ورکوي.
دوی زیاته کړې، د څار دا بهیر به له کابل وروسته نورو ولایتونو کې هم د روغتیایي قوانینو د تطبیق په موخه عملي شي او له سرغړونکو سره به قانوني چلن وشي.
