<h2>په کابل کې د اسلامي همکاریو سازمان دفتر مشر ډاکټر محمد سعید العیاشپه د سعودي عربستان له سفیر فیصل طلق محمد البقمي سره کتنه کې په افغانستان کې د بشري مرستو، پراختیايي همکاریو او ثبات د هڅو د ملاتړ لپاره د همکارۍ د لا پیاوړتیا په اړه خبرې وکړې.</h2> <h2> </h2> <h2> د دغه د دفتر لخوا په خپور شوي یوه بیان کې ویل شوي دي، په دې کتنه کې دواړو خواو د افغان ولس پر وړاندې د شته ننګونو د هواري لپاره پر خپلې ګډې ژمنتیا ټینګار وکړ.</h2> <h2> </h2> <h2>العیاشپه د سعودي عربستان سفیر سره خبرو کې د ریاض د دوامدار ملاتړ ستاینه وکړه.</h2> <h2> نوموړي زیاته کړه، چې د سولې، ثبات او د افغانانو د هوساینې د پیاوړتیا لپاره د اسلامي همکاریو سازمان د غړو هېوادونو او نړیوالو شریکانو ترمنځ دوامداره همکاري خورا مهمه ده.</h2><br> <h2>د خبرپاڼې یوه برخه:« <strong>په کابل کې د اسلامي همکاریو سازمان د دفتر مشر په افغانستان کې د سعودي عربستان له سفیر سره</strong><strong> په </strong><strong>کتنه کې د افغانستان سره د بشري مرستو، همکاریو پر پراختیا او ثبات د پیاوړتیا د افغانانو د ستونزو د حل او د سولې او ثبات د ټینګښت لپاره د ګډو همکاریو پر دوام ټینګار </strong><strong>شوی</strong><strong>.</strong><strong>» </strong></h2> <h2><strong> </strong></h2> <h2>د نړیوالو چارو شنونکي دغه کتنې د افغانستان لپاره ګټورې بولي او زیاتوي چې اسلامي همکاریو سازمان کولای چې له افغانانو سره د بشري مرستو په تنظیم، اقتصادي فشار د کمولو او د افغانستان نړیوالو انزوا څخه د رایستلو لپاره ګټور تمام شي.</h2><br> <h2><strong>د نړیوالو اړیکو شنونکی امیر ګران وايي:« د اسلامي هېوادونو د همکاریو سازمان دا هم د اسلامي هېوادونو له ټولو لویه او اغیزناکه اداره بلل کېږي. نو د دوی ترمنځ دغه کتنې د افغانستان په تړاو د اهمیت وړ دي. دا به مرسته وکړی شي چې له افغانانو سره د بشري مرستو په تنظیم کې، همدارنګه د اقتصادي فشار راکمولو او له نړیوالې انزوا د افغانستان رایستلو کې برخه کې ګټور تمامېدی شي. » </strong></h2> <h2><strong> </strong></h2> <h2> د دې لیدنې موخه د افغانستان له خلکو سره د نړیوالو بشري همکاریو پیاوړتیا او د سولې او ثبات لپاره د ګډو هڅو ملاتړ بلل شوې، څو د هېواد اوسني بشري او ټولنیز وضعیت ته اغېزمن ځواب وړاندې شي.</h2> <h2>شریک یې کړئ </h2>
