د امریکا دفاع وزیر له پنټاګون خدای پاماني واخیسته.
جیمز مټيس خپلو همکارانو ته د خپلې دندې د پای ته رسیدو او خدای پامانۍ یو لیک استولی دی.
مټيس په دې لیک کې خپلو کارمندانو څخه مننه کړې چې په بد حالت کې ورسره پاتې شوي دي.
ټاکل شوې چې د دفاع وزارت مرستیال پېټریک شنهان به نن په رسمي توګه د دفاع سرپرست وزیر په توګه خپله دنده پیل کړي.
مټيس چې د تیر ډسمبر په ۲۰مه نیټه یې له خپلې دندې استعفا ورکړه، ژمنه یې کړې چې د فیبروري تر پایه به له نوي وزیر سره همکار پاتې شي.
مټيس له ولسمشر ډونالډ ټرمپ سره د ځينو نړیوالو موضوعاتو پر سر اختلاف درلود او همدا لامل شو چې له دندې یې استعفا وکړه.
