فلسطین له اسراييلو سره د عرب او اروپايي هیوادونو په منځګړیتوب خبرې غواړي.
د فلسطین ولسمشر محمود عباس وايي فلسطین تل د سولې پلوي کړې او د مخامخ مذاکراتو غوښتنه یې کړې ده.
عباس وايي که اسراييل پټې او ښکاره ، هر ډول وغواړي، فلسطین ورته چمتو دی.
د فلسطین ولسمشر محمود عباس وايي فلسطین چمتو دی چې له اسراييلو سره خبرو ته کیني.
عباس وايي دغه مذاکرات به د عرب او اروپايي هیوادونو په منځګړیتوب ترسره شي.
د فلسطین ولسمشر محمود عباس داسې وویل (( موږ همیش مذاکرات غوښتي او هیڅکله مو نه دي رد کړي. اسراييل همیش پر موږ تور پورې کوي چې دا خبرې د فلسطین له لوري رد کیږي خو زه هغوی ته چلینج ورکوم چې موږ په پټه او ښکاره له اسراييلو سره خبرو ته چمتو یو، دغه ناستې به د اروپايي او عربي هیوادونو په منځګړیتوب و شي.))
عباس نیوکه وکړه چې کله یې هم د سولې په تړاو د مذاکراتو او خبرو اترو یادونه کړې د اسراييلو د لومړي وزیر بنیامین نتنیاهو له لوري رد شوې دي.
هغه زیاته کړه چې له شپږ نیم میلیونو زیات فلسطنیان کډوال شوي او دوی ورته د ملګرو ملتونو په مرسته د اوسیدو ځای جوړول غواړي.
د فلسطین ولسمشر محمود عباس داسې وویل (( اروپایان په جدي توګه پر یو بل بدیل کار کوي چې له امریکا سره خپل واټن له منځه یوسي. موږ اوس مهال ۶.۵ میلیونه کډوال لرو چې تاسې به تیره ورځ اوریدلي وي. اروپایي هیوادونه د فلسطین په تړاو د ملګرو ملتونو دریځ ته درناوی لري ملاتړ یې کوي.))
د فلسطین او اسراييلو د سولې خبرې په ۲۰۱۴ کال کې پیل شوې خو بیرته خرابې شوې.
د دواړو هیوادونو ترمنځ د سولې د خبرو له خرابیدو سره، کړکیچونو زور واخیست او په غزه کې د فلسطینانو قتل عام پیل شو.
په غزه کې اوس هم پر لاریون کوونکو د اسراييلي ځواکونو بریدونه دوام لري.
ژباړه
سیال یوسفي
سمونه
جان محمد مومند
