اروپايي ټولنې پر ایران د امریکا د بندیزونو له پیل راهېسې د ایران لوری نیولی دی.
د ایران د اټومي پروګرام مشر علي اکبر صالحي وايي اروپايي هیوادونه ورسره تر اوسه ولاړ دي خو که حالات بل ډول شي دوی نور صبر نشي کولای.
صالحي وايي ایران اوس هم هرڅه بیا له سره پیلولی شي او د یوارنیمو غني کول له ۲۰ سلنه هم را پورته کولای شي.
ایراني چارواکي اوس وايي که اورپا یې هم ملتیا پریږدي نو حوصله به یې ختمه شي او د لویدیځ تاوتریخوالی به و نه زغمي.
د ایران د اټومي انرژۍ مشر علي اکبر صالحي خبر داری ورکړ چې اروپايي ټولنه باید د خپلې همکارۍ په تړاو جدي اوسي.
د ایران د اټومي انرژۍ مشر علي اکبر صالحي داسې ویلي (( موږ تر اوسه واقعي پایلې نه دي لیدلي. اروپايي ټولنې موږ سره له پیله ژمنه کړې وه چې د سیاسي اصولو په چوکاټ کې به موږ سره همکاري کوي، خو موږ داسې همکاریو ته اړتیا لرو چې عملي بڼه ولري، زه د اروپايي ټولنې بهرنۍ پالیسۍ مشرې فیدریکا موګیرني ته خبر داری ورکوم چې نور زموږ حوصله ختمه شوې.))
صالحي وايي اوس هم کولای شي چي هرڅه بیا له سره پیل کړي او له شل سلنه یې راپورته کړي.
د ایران د اټومي انرژۍ مشر علي اکبر صالحي داسې وویل (( که له تخنیکي پلوه وغږیږو موږ ته اسانه ده چې هرڅه بیا له سره پیل کړو، موږ کولای شو خپله انرژي او اټومي پروګرام له ۲۰ سلنه را پورته کړو، موږ اوس مهال ۳۰۰ کیلوګرامو یورانیمو ته محدود یو، خو موږ یې را پورته کولای شو.))
د ایران د اټومي پروګرام وروسته له هغې ټکنی شو چې امریکا پرې بندیزونه ولګول او هغوی له سوداګریزو ستونزو سره مخ شول.
اخوا واشنګټن تر اوسه تهران ته د اضافي بندیزونو ګواښ کوي.
