سعودي عربستان یوه ورځ کې ۸۱ کسان اعدام کړل 

د یاد هېواد رسمي خبري آژانس سپا وايي،په اعدام شویو کسانو کې اووه يې د یمن او يو یې د سوريې وګړی هم وو.

چارواکي وايي،په دغو اعدام شویو کسانو کې  هغه کسان هم شامل دي، چې د بې ګناه ماشومانو او ښځو په وینو یې لاسونه ککړ دي.

دغه راز دوی وايي،  په اعدام شویو کسانو  هغه کسان هم دي،چې له داعش ډلې سره اړیکې لري او د سعودي عربستان  امنیت ته د ګواښ پیښولو لپاره ورغلي دي.

د مالوماتو له مخ، سعودي عربستان کې په ۲۰۲۰ زېږدیز کال کې ۲۷ تنه او په ۲۰۲۱ زېږدیز کال کې ۶۷  تنه اعدام شوي وو،چې سږنۍ شمېرې د تېرو کالونو پرتله زیاتې دي.