ایران کې باروړونکې الوتکه غورځېدلې.
د ایران په کرج ښار کې بار وړونکې الوتکه غورځيدلې.
د راپورورنو له مخې په دې الوتکه کې لس تنه سپاره وو چې له پلازمینې تهرانه یې پرواز کړی و.
۷۰۷ بویینګ الوتکه وروسته له هغې نسکوره شوه چې پیلوټ د الوتکې کنټرول له لاسه ورکړ او د ناستې پر مهال یې ټکر وکړ.
د سیمه اییزو رسنیو له لوري په خپرو شویو انځورونو کې لیدل کیږي چې په کرج هوايي ډګر کې له یوې الوتکې تور لوګي پورته کیږي.
تر اوسه د ایران حکومت د سپرو د مرګ ژوبلې په تړاو څه نه دي ویلي.
