اسراییلو پر غزې له ۸۰ زیات توغندي توغوولي.
اسراييلو د حماس ډلې پر ۸۰ بیلابیلو مرکزونو هوايي بریدونه وکړل.
اسراييلي ځواکونه وايي، غزه کې یې دغه مرکزونه په توغندیو سره په نښه کړې دي.
له سیمې څخه بل راپور وايي چې اسراييلو لږ تر لږه ۳۰ توغندي توغولي چې په نښه کړیو ځایونو لګیدلي دي.
اسرایيل وايي، دا هوايي بریدونه یې ځکه کړي چې د حماس په دغو مرکزونو کې پر اسراييلو د میزایلو د ویشتولو چمتو والی روان و.
غزه کې له څو اونیو راهیسې هره جمعه زرګونه کسان له اسراييلو سره سرحدي سیمو ته نږدې ورځي او د هغوی پر ضد لاریونونه کوي.
په دغو لاریونونو کې هم هره اونۍ لسګونو کسانو ته مرګ ژوبله اوړي.
