د ایران پر سپاه پاسداران ځانمرګي برید کې ۲۷ تنه وژل شوي دي.
د وروستیو راپورونو له مخې په دغه برید کې د اسلامي انقلابي لس تنه نور ځواکونه ټپیان دي.
د ایران فارس آژانس په وینا دغه موټر بم چاودنه وه چې په نظامي مراسمو کې وشوه.
د ایران حکومت ویلي چې د دغې پیښې څیړنه به کوي او بریدګرو ته به سخته جزا ورکړي.
د دغه برید مسوولیت په ایران کې فعالې سخت دریځې ډلې جېش العدل په غاړه اخیستی دی.
دغه برید وروسته له هغه کیږي چې ایران څو ورځې وړاندې د اسلامي انقلاب څلویښتمه کلیزه ونمانځله.
