روسیې څو ورځې وړاندې د منځنۍ کچې اټومي توغندیو د توغنديو د ځنډ اعلان کړ.
روسیه له اټومي تړون د امریکا د وتلو په ځواب کې نوي توغندي چمتو کوي.
د روسیې د دفاع وزیر وايي، تر ۲۰۲۱ کال پورې به خپلې هڅې ګړندۍ کړي چې د توغندیو دوه نوي سیسټمونه جوړ کړي.
روسیه دا خبر وروسته له هغې ورکړ چې څو ورځې وړاندې امریکا د منځنۍ کچې اټومي وسلو هوکړې سره پرېکون اعلان کړ.
روسیې دا اعلان ځکه وکړ چې امریکا له دې تړون د وتلو پلان نیولی او وايي د شپږ میاشتو په بهیر کې به په بشپړه توګه له دې تړون و وځي.
تازه د روسیې دفاع وزیر وایي، تر ۲۰۲۱ کال پورې به د توغندیو د دوو سیسټمونو د جوړولو له پاره خپلې هڅې ګړندې کړي.
د روسیې دفاع وزیر سرګي شویګیو داسې ویلي (( د ۲۰۱۹ او ۲۰۲۰ کلونو په جریان کې به موږ د داسې سمندري مزایلو سېستم په جوړولو پیل وکړو، چې د لرې واټن کروز مزایل به هم په کې شامل وي، دې مزایلو ځان په سوریه کې ثابت کړی او ښه نتیجه یې ورکړې. په همدې دوره کې موږ اړتیا لرو، چې د ځمکې پر بنسټ د لرې واټن ویشتونکو هایپرسونېک مزایلو په جوړولو هم پیل وکړو.))
په ورته وخت کې سرګي تور پورې کړ، چې امریکا له پخوانۍ هوکړې سرغړونه کوله او داسې ځمکني توغندي یې چمتو کړي، چې تر ۵۰۰ کیلومتره پورې ګوزار کوي، چې د هوکړې له دایرې بهر واټن دی.
((د روسیې ولسمشر د دفاع وزارت ته دا دنده سپارلې چې له منځني واټن ویشتونکي توغندي له تړون د امریکا د وتلو په ځواب کې یو نوی عمل پلان وړاندې کړئ. موږ پلان وړاندې کړ او هغه منظور شو. ))
د ویلو ده، چې د منځنۍ واټن اتومي وسلو هوکړې یا ای این ایف له مخې دواړو هېوادونو اجازه نه درلوده، چې د منځني واټن توغندي وکاروي یا وده ورکړي.
