Skip to content
د سي جي ټي این خبري شبکې د راپور له مخې، د اوکراین پلازمېنه کییف کې اوس هم د درنو چاودنو غږونه اوریدل کېږي.
تر دې دمه څرګنده نه ده، چې څومره سیمه د روسيې او څومره د اوکرایني ځواکونو لاس کې ده.
اخوا د اوکراین ولسمشر ولادیمیر زیلینسکي اوس هم پر مقاومت ټینګار کړی او ویلي یې دي،چې اوس هم په ښار کې د خپلو ځواکونو ترمنځ دی.
زیلینسکي تازه له اروپايي مشرانو سره تلیفوني خبرې کړې دي.
هغه د بریټانیا له لومړي وزیر، بوریس جانسن سره په خبرو کې راتلونکي ۲۴ ساعتونه ډېر اړین بللي دي.
بل لور ته د روسیې ولسمشر ولادیمیر پوتین خپلې اټومي وسلې ته هم د تیارسئ غږ کړی دی.
اخوا اوکرایني چارواکو له بېلابېلو ستر سوداګریزو شرکتونو غوښتي دي،چې له مسکو سره سوداګریزې اړیکې پرې کړي.
