مالیزیا کې د سختو ورښتونو او سیلابونو له امله له ۲۰  زرو ډېر کسان بې ځایه شوي

مالیزیايي رسنۍ وايي، د مالیزیا په پېراک او شپږو نورو ایالتونو کې د سختو ورښتونو له امله سیلابونه راوتلي او ګڼ شمیر کسانو ته یې زیان اړولی دی.

لومړی وزیر اسماعیل صبري یعقوب وايي، په دغو سیمو کې د تېرو څو ورځو په ترڅ کې دومره ورښتونه شوي،چې د یوې میاشتې پر کچه دي.

چارواکي وايي،د دغو سیلابونو له امله ۲۳ میلیونه ډالر زیان اوښتی دی.

تر دې دمه دغو سیلاب ځپلو سیمو ته ۶۶ زره پولیس، پوځ او ژغورنې ډلې غړي رسیدلي او د تخلیې بهیر یې پیل کړی دی.

د دغو ډلو ترڅنګ ډېری کسان سیلاب ځپلو ته خوراکي توکي او نور د پوښاک توکي هم استوي.