راپورونه وايي،د فلېپین په سویلي سیمو کې د توپانونو له امله زرګونه کسانو خپل کورونه پریښي.
ویل کیږي،چې په سویلي او مرکزي سیمو کې د دغو توپانونو له امله ځمک ښووئیدنې هم رامنځته شوې دي.
د هوا پیژندنې ادارې چارواکي وايي،توپان اوس هم دوام لري او نورو سیمو ته د غځیدو ګواښ یې هم موجود دی.
یاده اداره وايي، په سویلي او شمالي برخو د توپان سرعت په ساعت کې ۱۶۵ کیلومتره دی،چې خلکو ته یې په سیمه کې ګڼې ستونزې پیدا کړې دي.
چارواکي وايي،په راتلونکو ۱۸ ساعتونو کې به دغه شمال او یخه هوا په یوه ویجاړوونکي توپان بدله شي.
د ژغورنې ډله وايي، د توپان له سیمې چې کومې کورنۍ وتلي دي، په خوندي سیمو کې یې د هغوی لپاره پنډغالي جوړ کړي دي.
