Skip to content
د هند پلازمېنه نوي ډیلي کې چارواکي وايي، د خرابې هوا له امله اړ شوي، چې د یوې اونۍ لپاره د زدکوونکو پر مخ ښوونځي وتړي.
دغه چارواکي وايي، ښوونځي یې ځکه تړلي چې نه غواړي ماشومان ککړه هوا تنفس کړي.
بل لور ته د ښوونځیو سربېره له یو شمېر شرکتونو هم غوښتنه شوې، چې که امکان لري له کورونو دې کار وکړي او ډیر دې نه ګرځي.
ډیلي کې ګڼ نفوس اوسېږي، چې هر ژمی د ماشینونو او موټرو د لوګیو او فابریکو د ګازاتو له امله هوا ککړه کېږي او خلک پر تنفسي ناروغیو اخته کېږي.
د هند پلازمېنه کې له تېرو څو کلونو راهیسې دا ستونزه ده او تر اوسه چارواکي په دې نه دي توانیدلي، چې یوه حل لار ورته ومومي.
