اسراييلو یو ځل بیا د سوریې پر مرکزي او لویدیځو ولایتونو هوايي بریدونه کړي

د سوریې دولتي تلویزیون ويلي، پرون شپه اسراييلي ځواکونو پر یو شمېر ولایتونو هوايي بریدونه کړي، چې له امله یې دوه سرتېري ټپیان شوي او ګڼ مالي زیانونه یې هم اړولي دي.

نظامي چارواکي وايي، د اسراييلو جنګي الوتکې د لبنان په فضا کې ګرځي او دا توغندي له هغه ځایه پر سوریه توغولي دي.

سوريه وايي، یو شمېر توغندي د دوی دفاعي سیسټم په هوا کې شنډ کړي هم دي.

په دغو هوايي بریدونو کې د سوریې ګڼ نظامي تجهیزات په نښه شوي او له منځه تللي دي.

له تېرو څو ورځو راهیسې اسراييلي ځواکونه د سوریې پر خاوره هوايي بریدونه کوي، خو تر اوسه یې لامل څرګند نه دی.

اسراييلي پوځیانو تر اوسه د سوریې د دغو ادعاو په تړاو څه نه دي ویلي.