Skip to content
راپورونه وايي، د عراق پلازمېنه بغداد کې د مصطفی الخادمي د اوسېدو پر ځای د ډرون برید شوی، خو نوموړي ته په کې زیان نه دی رسېدلی.
ویل کیږي، په ډرون کې چاودېدونکي توکي ځای پر ځای شوي و، چې د الخادمي څو امنیتي ګاردان یې ټپیان کړي دي.
د الخادمي نه نژدې کسان وايي، هغه یې په ډېر مخفیانه توګه د له اوسېدو ځایه اېستلی و.
مصطفی الخادمي له برید څو ساعته وروسته د تلویزیون پر پرده راڅرګند شو او خلکو ته یې د خپلې روغتیا او سلامتۍ ډاډ ورکړ او زیاته یې کړه، چې په دې کار سره د هېواد راتلوونکي ته څوک زیان نه شي اړولی.
تر دې دمه څرګنده نه ده، چې دغه برید له کوم لوري شوی او تر شا یې د چا لاس دی.
تر اوسه کومې ډلې د یاد برید مسوولیت نه دی منلی.
