لاوروف: مسکو ته د مرکزي اسیا هېوادونو ثبات او امنیت ډير مهم دی

د روسیې بهرنیو چارو وزیر سرګي لاوروف ویلي، امریکا له افغانستانه په ناڅاپي وتلو سره ټولې سیمې ته ګواښونه جوړ کړي او دا یې نه جبرانېدونکې تېروتنه وه.

لاوروف ویلي، د مسکو لپاره د مرکزي اسیا هېوادونو امنیت مهم دی او دوی به په ټوله مانا هڅه وکړي، چې له افغانستان د مرکزي اسیا هېوادونو د بې ثباته کېدو مخنیوی وکړی، ځکه له دې هېوادونو سره پراخې اړیکې لري او متحد هېوادونه یې دي.

لاوروف تمه ښودلې، چې په افغانستان کې ژر تر ژره ثبات رامنځ ته شي، امنیتي ستونزې له منځه لاړې شي او په دغه هېواد کې دایمي ثبات رامنځ ته شي.