سعودي ایتلاف یمن کې حوثیانو ته درنه مرګ ژوبله اړولې.
د یمن حدیده کې په تیرو ۲۴ ساعتونو کې ۴۳ حوثیان وژل شوي دي.
دا حوثي یاغیان له سعودي ایتلاف سره په جګړه کې وژل شوي او لسګونه نور ټپیان دي.
راپورونه وايي، دا نښتې په هغو سیمو کې شوي چې حوثي یاغیان پرې ولکه لري.
د ملګرو ملتونو تازه راپور له مخې په تیره اکټوبر میاشت کې کابو ۱۰۰ ملکي وګړي هم وژل شوي دي.
د حدیدې بندري ښار د باندې د سعودي او متحده اماراتو د ایتلافي ځواکونو او حوثیانو ترمنځ سخته جګړه روانه ده.
د حوثيانو او ایتلافي ځواکونو ترمنځ د جګړې له زرګونه کورنۍ له حدیده ښار څخه تیښتې ته اړ شوي دي.
