د اطلاعاتو کولتور وزارت سرپرست مولوي خیرالله خیرخوا چې پکتیا ته د خپل سفر پرمهال د ددغه ولایت له تفریحي او تاریخي سیمو له لیدنې وروسته له رسینو سره د یوه خبري کنفرانس پر مهال وویل، اطلاعاتو او کولتور وزارت له درېيو نورو وزارتونو سره په ګډه پر يوه داسې پلان کار کوي، څو د دغه ولایت بلاحصار او نورې تاریخي سیمې د خصوصي سکتور پر مرسته بېرته ورغوي.
هغه زیاتوي:« زموږ تاریخي اثار خورا ډېر دي، هر ولایت چې ولاړ شې، ته وايي، دا مې یو وار جوړ کړی وی. دومره ارزښت هم لري. باور وکړئ، د اسلامي امارت امکاناتو ته چې وګورو، ټولو ته رسېدنه نه شو کولی، نو په دې کې موږ مشخص نه شو ویلی، چې دې کې اسلامي امارت څومره وشي کولی او کومې موسسې به راوړاندې شي. که موسسې راوړاندې شي، د اسلامي امارت امکانات کم دي، کوشش کوو چې موسسو ته یې وسپارو او که موسسو ونه کړل، نو هغه اړین بخش به موږ ګورو، چې مصارف یې کم وي او اسلامي امارت یې کولی شي، هغه به وشي.»
خیرخوا همدا راز وايي، په پکتیا کې به د تاریخي سیمو د رغونې ترڅنګ هڅه وکړي، چې د یاد ولایت تفریحي سیمو ته هم ځانګړې پاملرنه وکړي.
هغه زیاته کړه:« که درته ووایم، زموږ د سیاحت موضوع مهمه وه، چې دغه سیمه سیاحتي سیمه ده. د سیمې خلکو ځمکې لږ دي او برېښنا یې نه شته ده، دلته مهم شی چې دی، برېښنا ده.»
د کنفرانس پرمهال ځایي خبريالانو د خپل کار پر وړاندې شته ستونزې هم شریکې کړې او سرپرست وزیر یې د حل په برخه کې ډاډ ورکړ.
