خوست والي مولوي عبدالله مختار وايي، د افغانستان او پاکستان ترمنځ د روانې ترینګلتیا اصلي لامل د پاکستان پوځي رژیم نامسووله چلن دی.
عبدالله مختار دغه څرګندونې په خوست ښار کې د جامعه امداد العلوم لټک دیني مدرسې د فراغت مراسمو ته کړې او ویلي يې دي چې پاکستان پوځ او حکومت تل له افغانستان سره نامسووله چلن کړی او همدا د ستونزې اصلي لامل دی.
د دغه په خبره، له افغانستان سره په اړیکو کې ترینګلتیا د پاکستان د ولسونو او سیاسونو دریځ نه دی. د نوموړي په وېنا دا ستونزه د پوځي رژیم د یوې وړې او شریرې کړۍ نامسوولانه کړنو پایله ده چې عام ملاتړ نه لري.
خوست والي زیاته کړې: «په دې وروستیو کې د افغانستان سره د پاکستان له خوا په اړيکو کې رامنځته شوې ترینګلتیا د پاکستان د ولسونو او سياسيونو دريځ نه دی بلکې دا ستونزه د یوې وړې او شریرې کړۍ (پوځي رژیم) د نامسووله کړنو پایله ده چې عام ملاتړ نه لري.»
د خوست والي دغه راز علماء خپل مسوولیت ته هڅوي او سپارښتنه یې کړې چې د ټولنې د فکري لارښونې، د فتنو د مخنیوي، د امنيت ټينګښت او یووالي د فضا پیاوړي کولو لپاره خپلې هڅې لا زیاتې کړي.
