د هند د بهرنیو چارو وزارت اعلان وکړ چې په کابل کې یې د خپل تخنیکي ماموریت کچه سفارت ته لوړه کړې.
د دې وزارت له خوا خپره شوې خبرپاڼه کې راغلي، په پلازمېنه کابل کې یې سفارت فعال او په ځینو ولایتونو کې به خپل کونسلي خدمتونه هم پیل کړي.
اعلامیه زیاتوي، دا پرېکړه د هند ژمنتیا څرګندوي چې غواړي له افغانستان سره په ټولو برخو کې دوه اړخیزې اړیکې ژورې کړي.
نوي ډهلي کابل کې خپلې سفارتي چارې له شاوخوا څلورو کلونو وروسته داسې مهال بېرته پیل کړې چې تېره اونۍ د افغانستان د بهرنیو چارو وزیر په مشرۍ یو لوړ پوړی پلاوی هند په شپږ ورځني رسمي سفر تللی و او د یاد هېواد له لوړ پوړو چارواکو سره یې د دوه اړخیزو اړیکو پر پیاوړتیا او سیمهییزو همکاریو خبرې وکړې.
