په دفاعي او امنیتي لیکو کې د ښځو ونډه او حضور تر بل هر وخت زیات شوی دی.
اوسمهال له درې زرو زیاتې ښځينه پولیسې او د پوځ لیکو کې بیا لس سلنه ښځینه سرتیري په دندو بوختې دي.
چارواکي د ښځو حضور ګټور بولي او د دندې په مهال یې مرګ ژوبله ډیره کمه یا هم په نشت حساب وي.
په تیرو اتلسو کلونو کې د ښځینه سرتیرو شمیر په دفاع وزارت کې لس سلنه او کورنیو چارو وزارت کې بیا له درې زره څخه زیات شمیر جوړوي چې دا شمیر ورځ تر بلې مخ په ډیروېدو دی.
د پوځ په لیکو کې دغه افغانې سرتیرې خپلو سرتیرو سره په جګړه؛ شپنیو عملیاتو او د تلاشي په برخه کې همکاري کوي .
د دفاع وزارت معلومات ښيی چې په جګړه کې د ښځینه سرتیرو مرګ ژوبله شمیر کم یا هم به نشت حساب ده.
کورنیو چارو وزارت بیا د ښځینه پولیسو د پراخ حضور هرکلی کوي او وایي چې له دوی سره د جنایي پیښو او کورونو په تلاشۍ کې ډیرې مثبتې تمامې شوي دي.
دغه وزارت وایي چې په راتلونکو درې کلونو کې به د ښځینه پولیسو شمېر درې برابره کړي.
پلوشه شایسته تلاش د کابل امنیه قومنداني مرستیاله ده نوموړې وايي، له کوچني توب یې هیله درلوده چې نظامي برخه کې دنده تر سره کړي.
میرمن تلاش له خپلې دندې خوښه ده او هغه ادعاوې ردوي چې په نظامي لیکو کې میرمنې له جنسي ځورونو سره مخ دي.
نوموړې وایي چې هره ورځ د پولیسو لیکو کې د یو ځای کېدو لپاره له شلو څخه ډیرې نجونې نوم لیکنه کوي .
په تیرو اتلسو کلونو کې د ښځو حضور په نظامي برخه کې ډیر شوی چې یوازې شپږ سوه افسرانې د کابل په امنیه قومنداني کې دنده ترسره کوي.
