خلیلزاد د افغان سولې لپاره افغانستان او د سیمې یو شمیرهیوادونو ته دریم سفر پیل کړی.
د امریکا بهرنیو چارو وزارت ویلي، د دغه سفر موخه د افغان سولې خبرې دي ، او د افغان حکومت او طالبانو ترمنځ د سولې سیاسي حل لارې لپاره زمینه برابرول دي.
شنونکي د خلیلزاد د دریم سفر په اړه بیلا بیل نظرونه لری، ځیني د خلیزاد دغه سفر د افغان سولې لپاره له لاسته راوړنو ډک بولي، خو ځینې وايي امریکا تر دې دمه د طالبانو غوښتنې نه دي منلي چې له امله یې د سولې پروسه مبهمه کړې ده.
د افغان سولې لپاره د امریکا ځانګړي استازي زلمی خلیلزاد به په دغه اتلس ورځني سفر کې له روسیې، افغانستان، پاکستان، ازبکستان، ترکمنستان، بلجیم، متحده عربي امارات او قطر هېوادونو ته د یوې هیت په مشرۍ سفرونه وکړي.
د امریکا بهرنیو چارو وزارت ویلي، موخه یې د افغان حکومت او طالبانو ترمنځ د سولې سیاسي حل لارې لپاره زمینه برابرول دي.
د امریکا بهرنیو چارو وزارت داسې ویلي (( د دغه سفر موخه د افغان سولې خبرې دي او هڅه به وشي چې د سولې خبرو پیل لپاره زمینه برابره شي، امریکا د افغان حکومت او طالبانو ترمنځ د سولې سیاسي حل لارې لپاره ژمن دي او په دې برخه کې خپلې هڅې کوي))
شنونکی نجیب آزاد وايي د خلیلزاد دریم سفر د دې ښکارندوی کوی چې امریکا له طالبانو سره یوې هوکړې ته رسیدلې ده او په دغه سفر کې به يې ټینګار په دې وي چې هغه هیوادونه سره وګوري چې له طالبانو څخه په مستقیم او یا غیر مستقیم ډول ملاتړ کوي.
خو بل شنونکی وحید مژده وايي تر دې دمه امریکې د طالبانو غوښتنې نه دې منلي،نو د خلیلزاد دغه سفر به د افغان سولې لپاره مثبتې پایلی ونه لری ، نوموړي په دې باور ده چې د خلیلزاد لیدنه به د یوشمیر هیوادنو څخه دا وي تر څو په طالبانو دا فشار راوړي چې د امریکا دایمی اډو شتون په افغانستان کې ومني.
خلیلزاد دافغان سولې خبرو لپاره د ځانګړې استازي له ټاکل کیدو ورسته په دوه سفرونو کې د افغانستان په شمول له یو شمیر سمیزو هیوادنو لیدنه کړي وه.
