Skip to content
په کندهار ولایت کې د وچې مېوې یو شمېر سوداګر وايي، سږ کال د سويلي حوزې د وچي مېوې ترلاسه شوي حاصلات د کيفيت او قيمت له پلوه ښه دي،خو د بانکونو د محدود فعاليت له امله کاروبار کم شوی او د تېر په شان صادرات نه ترسره کېږي.
د وچې مېوې یو تن سوداګر وايي:« خلک د مېوو له حاصلاتو ډېر خوشاله دي.خو ستونزه له بانکونو د پیسو اېستلو کې ده. ممیز، ابجوشي، بادام، شکرپاره او انځر د تېر کال پرتله لوړ هم دي. ښیې پيسې هم جوړه وي،خو ستونزه دا داه،چې نقدې پیسې نه شته دی.»
د وچې مېوې یو بل سوداګر وايي:« شکر ده، سږ کال د مېوې حاصلات ډېر ښه دي. په تېر کې حاصلات دومره ښه نه ول. بیې هم د تېرو کالونو پرتله ښیې دي.»
د حاجي حفېظ الله په نوم د کندهار د وچي مېوې بازار کې د مميزو يو سوداګر بیا وايي،د بانکونو د فعالیت د محدوديت له کبله دوی پوروړي دي او که ستونزه هواره نه شي،مېوه له صادرېدو پاتې او ګدامونو کې به خرابه شي.
اخوا د کندهار سوداګرۍ خوني مرستیال عبدالباقي بینا وايي، د روان کال له پيل راهيسي بهرنیو هېوادونو ته له کندهاره ۶۲ رزه ۷۲ ټنه وچه مېوه د ۱۸۹ مېلونو ډالرو په ارزښت صادره شوې، چې د تېر کال پرتله یې نړيوالو مارکيټونو کې قيمت هم لوړ دی.
بینا هم بانکي محدوديت او د لارو بندېدل د افغان صادراتو پر وړاندي لویې ننګوني بولي.
بینا زیاتوي:« وړاندې پیسې د خصوصي بانکونو له لارې لېږدول کېدې، خو اوس متاسفان باید ووایو،چې هغه لېږدول شوې پیسې هم سوداګرو ته ډېرې کمې ورکول کېږي.»
بادام،انځر،مميز، شکرپاره او آبجوشي د سويلي ولایتونو د وچي مېوې مهم پېداوار دي،چې زيات ګاونډيو هېوادونو او په ځانګړي ډول پاکستان او هند ته صادريږي.
اسلامي امارت ویلي، د تېر پرتله سوداګرۍ کې ستونزي هواري شوي او دوی په دې لټه کې دي،چې د هېواد سوداګرو ته اسانتیاوي نوري هم زياتي او بانکي محدوديت له منځه يوسي.
