ننګرهار کې یو شمېر خلک چې د سړک پر سر یې د هندواڼو هټۍ جوړې کړي وایي، له خپل کار او وطني تولید خوشحله دي او د تورخم،جلال اباد او کابل ته تلوونکي مسافر ترې هندواڼې اخلي او کار یې ښه شوی دی.
اخوا د ننګرهار د کانال ریاست مشر مولوي غلام الرحمن وایي، د کانال اړوند په درې زره جریبه ځمکه د هندواڼ، کرکیله شوې او له ۱۵ تر ۱۶ زرو ټنو هندواڼې به ترې تر لاسه شي.
په ننګرهار کې که څه هم هر کال د کانال ریاست اړوند په زرګونو جریبه ځمکو هندواړې او نورې میوې او سبزي جات کرل کېده خو سږکال چې له یوې لورې امنیت ښه شوی او له بل لوري سوداګرو یاد ولایت ته مخه کړې کروندګر خوښ دي چې د نورو کلونو په پرتله به ډېره ګټه وټه وکړي.
