په کابل کې د اتصالاتو مخابراتي شرکت په مرکزي دفتر کې د دغې کمپنۍ د نوم او لوګو د بدلولو لپاره ځانګړي مراسم نیول شوي دي .
دغه مخابراتي شرکت چې له دې وړاندې د اتصالات افغانستان په نوم فعالیت درلود له دې وروسته به د اي انډ په نوم فعالیت ولري.
د شرکت مسوولین وايي، له دې سره به د مخابراتي خدمتونو ترڅنګ نورو برخو کې هم فعالیتونه ولري او خلکو ته خدمات وړاندې کړي .
داي انډ مخابراتي شرکت داړیکو او ارتباطاتو ډاریکټر کفایت الله نبي خېل وايي:«اتصالات غواړي چې د مخابراتي خدماتو وراخوا نور ډیجیټلي خدمات هم ټولنې ته وړاندې کړي، په دې کې تر ټولو د مخه د ډیجیټلي پېسو راکړه ورکړه ده (اي انډ) په دې مانا چې اتصالات له دې وروسته ورزشي خدمات، اسلامي خدمات او دغه ډیجیټلي خدمات وړاندې کولای شي او دغسې نور خدمتونه د مخابراتي خدماتو ور اخوا وړاندې کوو.»
په همد حال کې د دغه مخابراتي شرکت چارواکي وايي، د نوم بدلون یې په دې مانا دی چې دوی افغانانو ته د ټېکنالوجۍ په برخه کې لا زیاتو خدماتو ته ژمن دي.
د اي انډ مخاربراتي شرکت اجرایوي رییس عبدالله الجزیري وایي:« اي انډ دا زموږ یوازې د نوم او لوګو بدلون نه دی، بلکې دا زموږ د نوي لید لوري او د افغانستان خلکو ته د خدمت کولو تل پاتې ژمنتیا ښکارندوی کوي»
اي انډ چې پخوانی نوم یې اتصالات مخابراتي شرکت دی په ۲۰۰۷ کال کې یې په افغانستان کې فعالیت پیل کړ،چې تردې مهاله یې په افغانستان کې یې د پیرېدونکو شمیر ۷ ملیونو ته رسیدلی دی.
