نړۍوال بانک افغان ښځینه سوداګرو سره پنځه میلیونه یورو مرسته کوي.
نړیوال بانک د ښځینه سوداګرو د پراختیا او تشویق په موخه پنځه میلیونه یورو مرسته کوي.
نړیوال بانک دا پيسې د ښځو د سوداګرۍ او صنایعو خونې ته ورکوي چې څنګه کیدای شي د سوداګرۍ برخه کې د ښځو لیوالتیا زیاته کړي.
د مالوماتو له مخې، اوس په افغانستان کې یوولس سوه او یو دیرش ښځینه سوداګرې شته او هڅه دا ده چې دا شمېره لوړه شي.
د نړیوال بانک ژمنه وکړه چې د ښځو د سوداګرۍ د پراختیا لپاره به د پنځه میلیونه یورو مرسته وکړي.
دا مرسته د ښځو د سوداګرۍ او صنایعو له خونې سره کیږي چې د ښځینه سوداګرو د تشویق لپاره یې مصرف کړي.
د اروپايي ټولنې سفیر پایر مایدون داسې وویل (( افغانستان کې ښځې د هرې ورځې په تیریدو د پرمختګ په حال کې دي، موږ به د سوداګرۍ برخه کې د ښځو د تشویق په موخه پنځه میلیونه یورو مرسته وکړو. د اروپايي تولنې په استازيتوب زموږ په اند د ښځو حضور په اقتصادي چارو کې مهم دی او که چېرې په نړیواله کچه ښځې ولیدل شي ښځو په اقتصادي سکتور کې مهم نقش لوبولی ده.))
د هېواد لومړۍ میرمن بي بي ګل رولا غني باور وښود چې د سوداګرۍ برخه کې به د ښځو شمېر تر دې هم زیات شي.
د ښځینه سوداګرۍ او صنایعو خونې د دویمې کالیزې په مناسبت نندارتون هم جوړ کړی وو چې له بیلابیلو ولایتونو پکې صنعت کارو میرمنو ګډون کړی و او خپل توکي یې نندارې ته ايښې و.
د جګړې په اوږدېدو سره د هغو کورنیو شمېر هم مخ په ډېرېدو دی چې پالنه او مشري یې ښځو ته ورپاتې ده.
د افغانستان د احصایې ملي ادارې د مالوماتو له مخې، شاوخوا ۴۵ زره کورنۍ یوازې ښځې لري چې د خپلو کوچنیانو ساتنه، پالنه او روزي ګټنه ورترغاړې ده.
