Skip to content
په هرات ولایت کې د دوشنبې پر ورځ د «۱۴۰۱ کال د زمري پر ۳ مه » د یوه پنځه نفري ټیم له لوري د نقاشۍ نندارتون په لاره اچول شوی،چې دوه ورځې به دوام وکړي.
د نندارتون په لاره اچوونکي وايي،د دوی موخه له نندارتون له میندو او ښځو څخه ملاتړ دی.
د نندارتون یو تن په لاره اچوونکی مرتضی وايي:« دا نندراتون چې قلم نقش تر نامه لاندې د قلم نڅا نجونو له لوري جوړ شوی، په کې ۵۰ اثرونه نندارې ته وړاندې شوي. د دې نندراتون د پرانیستې موخه د افغان ښځو د مېړانې ستاینه او وړاندې کول دي.»
هغه نجونې چې په نندارتون کې یې ګډون کړی وايي، دوه میاشتې یې پر دې نقاشیو باندې کار کړی او دا آثار یې خلق کړي دي.
د نندارتون یوه ګډونواله زهرا نجفي وايي:« له حقاني ډېره مننه کوو،چې د دې نندراتون د پرانیستې اجازه یې راکړه او د ملاتړ غوښتنه ترې لرو.»
د نندارتون یوه بله ګډونوال فرشته نوري بیا وايي:« موږ وغوښتل څو د عامو خلکو او نړیوالو لپاره د خپل هېواد تاریخي او مذهبي آثار نندارې ته وړاندې کړو او خپلې وړتیاوې وښيو. »
د نندارتون ګډونوالې له د اسلامي امارت له دولته غواړي،تر څو د دوی څخه ملاتړ وکړي.
د نندارتون یوه ګډونواله آرزو محمدي وايي:« مذهبي ودانۍ مو نندارې ته وړاندې کړې او څه باندې دوه کاله کېږي چې په هایپریال سبک کې کار کوو»
دغه راز د نندارتون ګډونوالې وايي، څه باندې دوه کاله کېږي،چې نقاشي کوي او پر وینا یې که ملاتړ ترې وشي،نو کولای شي چې له دې هم زیات کار وکړي او د افغان نجونو خلاقیت ټولې نړۍ ته وښیي.
Discussion about this post