صنعت او سوداګرۍ وزارت: ۹ میاشتو کې ۵ زره ټنه جلغوزې بهر ته صادر شوې

د صنعت او سوداګرۍ وزارت د چارواکو په خبره، په تېرو ۹ میاشتو کې له افغانستان څخه ۱۵ هېوادونو ته د ۵۳ میلیونه امریکایي ډالرو په ارزښت نږدې ۵۴۰۰ ټنه جلغوزې صادر شوې دي.

د یاد وزارت ویاند عبدالسلام اخوندزاده مني، چې له افغانستان څخه چین، پاکستان، عربستان، متحده عربي امارتو، هند، ایټالیا، امریکا، کاناډا، انګلستان، اسټرالیا، ترکیې، سویډن، اوکراین او بلجیم ته شاوخوا ۵۳۸۰ ټنه جلغوزې صادر شوې، چې دا په روان کال کې د جلغوزیو په صادراتو کې د پام وړ زیاتوالی ښيي.