که څه هم تر دې وړاندې له چین او روسیې سربېره ځینو هېوادونو او بنسټونو د افغانانو د پیسو په آزادولو ټینګار کړی دی،خو لاهم په دې برخه کې د نړیوال بانک مسوولینو مثبت تحرک نه دی لیدل شوی.
بل لور ته د چارو شنونکي په دې باور دي،چې د دغو زبرځواکو هېوادونو دا ډول اظّهارات په نړیوالې ټولنې د فشار سبب کیدای شي،چې د افغانانو پیسې ورته وسپاري.
تر دې وړاندې واشنګټن له خپلو نړیوالو متحدینو سره په همغږۍ د افغانستان له ۷ میلیارده ډالره شتمنۍ ۳.۵ میلیارډه یې د سویس یوه بانک ته لېږدولې دي او ویلي یې ول،چې دغه پيسې به په افغانستان کې د اړتیاوو پر بنسټ په ځينو برخو کې لګول کېږي.
