د جلغوزیو یو تن سوداګر شوات منګل وايي:«د تېر کال پرتله سږ کال د جلغوزیو حاصلات مختلف دي،ځېنو سیمو کې غوټې ښیې ډکې دي او ځېنو ځایونو کې بیا ښیې ډکې نه دي.خو ښه خبره دا ده،چې الحمد الله د تېر کال پرتله سږکال بیې ښیې دي.»
کاروباریان سر له اوسه د جلغوزیو بازار ته اندیښمن دي او وایي، که چین یا نورو هوادونو ته صادر نه شي،د تیر کال په څیر به ګودامونو کې خراب شي.
د جلغوزیو یو تن سوداګر محمود وايي:« نورو کلونو کې د جلغوزیو غوټې ډکې وې. د سوداګرۍ برخه یې هم ښه وه،ځکه له چین، پاکستان او نورو هېوادونو سره قراردادونه ول،خو د سږ کال مالومات له نه شته دی،چې قرار داد یې څنګه دی او سیسټم به یې څنګه پر مخ ځي.»
د جلغوزیو غوټو د غوڅولو له پیل سره ګڼو کسانو ته لنډ مهاله د کار زمېنه برابره شوې ده.
