کندهار کې د انځرو یو تن سوداګر عبدالجمیل وايي:« د افغانستان او پاکستان دا معاملې ټول عمر په سیاست پوري تړلي دي، که سیاست سم وي، لاره يي هم سمه وي که نه لاره کې يي فرق راځي. موږ له اسلامي امارته غوښتنه کوو،چې دې خلکو ته ډاډ ورکړي،خلکو ته یو واضع پالیسي ورکړي، چې دا خلک باوري شي.»
د کندهار د سوداګرۍ او پانګوني خوني مسوولین وايي، سږ کال له زیاتو ستونزو سره سره تر دا مهاله له دغه ولایته تر ۲۳ زره ټنه زیات انځر صادر شوي او لا يي هم صادرات روان دي.
د یادې خونې مرستیال انجینر عبدالباقي بینا وايي، لا هم یو شمېر ستونزې او په ځانګړي ډول بانکي ستونزه د صادراتو پر وړاندې ستر خنډ دی، که دا ستونزه حل شي، صادرات به نور هم زیات شي.
عبدالباقي زیاتوي:« خوشبختانه زموږ انځر په دغه کال کې دا اوس چې جریان لري، ښه محصلات يي کړي. ښه خبره دا چې موږ بهر ته د دې صادرات کوو، بیه يي هم ښه ده.»
له کندهاره هر کال د پاکستان او هند بازارونو ته دوه سوه زره ټنه میوه صادریږي،خو د دې ولایت سوداګر له حکومه غواړي،چې د دې صادراتو لپاره دي د نړیوال بازار د پيدا کولو په برخه کې هڅي ډېري کړي.
