د خوړو نړیوال پروګرام له افغانستانه د وتلو پلان نه لري

د ملګرو ملتونو د خوړو نړیوال پروګرام )ډبلیو.ایف.پي) وايي،د ښځو پر کار بندیزونو سره سره په افغانستان کې خپل کار او مرستو رسولو ته دوام ورکوي.

د یاد پروګرام د افغانستان څانګې مشر برلین ته د سفر پر مهال ویلي، دغه سازمان له افغانستانه د وتلو نیت نه لري.

نوموړي زیاته کړې،بشري مرستې د ښځو، ماشومانو او معيوبينو په ګډون د ډېرو زيانمنو شويو خلکو لپاره حياتي ارزښت لري.

نوموړي همداراز د افغانستان د وضعیت په اړه د خپلې ارزونې په ترڅ کې ویلي،چې په تېر یو نیم کال کې په دغه هېواد کې بشري ناورین شدت موندلی دی.

د نوموړي په خبره، که څه هم په افغانستان کې د بشري مرستو له لارې د لوږې مخه نیول شوې، خو لا هم میلیونونه افغانان د خوراکي توکو له نه خوندیتوب سره مخ دي.