Skip to content
عیني شاهدان وایې، نن سهار د پښتونستان واټ اړوند سیمې په یوه ګلدان کې ځای پرځای شوو چاودېدونکو توکو چاودنه کړې ده.
خلک وایي، ځای پرځای شوو چاودېدونکو توکو هغه مهال چاودنه وکړه، چې له سیمې د اسلامي امارت موټریز کاروان تېرېده.
دوی وایي، وروسته په سیمه کې طالبانو ډزې هم کړي دي.
روغتیايي سرچینې وایي، د پېښې له ځایه ورته د یوه طالب ساتوونکی جسد او اووه ټپیان ور وړل شوي، چې ټپیانو کې درې طالب سرتېري، درې ملکي وګړي او یو د ښاروالۍ کارکوونکی شامل دي.په وروستیو کې په ننګرهار کې هدفي وژنې او چاودنې ډېرې شوي، چې خلک یې هم اندېښمن کړي دي.
د نننۍ چاودنې مسوولیت کومې ډلې نه دی منلی، خو وړاندې له دې یې پړه داعش منله.
