کریمي زیاتوي:« کنګل شوي،پیسي دي ژر خلاصي شي.موږ له نړیوالو هېله کوو،چې دا د افغانستان په اقتصاد کې رول لري.»
دغه راز کریمي وايي، د بانکونو تړلو موضوع لنډمهالې ده او ژر به ټول فعالیت پيل کړي.
د امریکا متحده ایالتونو له لوري د افغانستان د مرکزي بانک نږدې لس میلیارده ډالرو کنګل اعلانولو اندېښنې پيدا کړي، چې دا هېواد به له ستر اقتصادي ناورین سره مخ شي.
د اقتصادي چارو شنونکي بیا وايي،د پیسو له کنګل کېدو سره به افغانستان له ستر اقتصادي بحران سره مخ شي.
د اقتصادي چارو شنونکی محمدنبي افغان وايي:« که د افغانستان کنګل شوې پیسې ژر خوشي نه شي، افغانستان به له ستر اقتصادي بحران سره مخ شي او د بانکونو بند پاتي کیدل به خلک نور هم له ستونزو سره مخ کړي.»
په همدې حال کې د خصوصي بانکونو مخې ته پیرودونکي را ټول شوي او نیوکه کوي،چې د بانکونو د فعالیت محدویدو له امله له ساعتونو انتظار وروسته بیا هم خپلي پیسې نشي ترلاسه کولای.
له تیرې یوې میاشتې راهیسې د افغانستان خصوصي بانکونو فعالیت نه دی پیل کړی او یو شمېر بانکونو چې خدمات یې پیل کړي دي، د پیردونکو د ګڼې ګوڼې له امله ټولو ته پيسې نه شي ورکولی.
