د دارلانشاء ریاست ډاډه نه دی چې لومړنۍ پاېلې به په ټاکلې نېټه اعلان شي.
د لومړنیو پایلو د دویم ځلې ژمنې اعلان لپاره لس ورځې پاتې دي.
ټاکنو کمېسیون له زیاتو بحثونو وروسته د لړم ۲۳ نیټه د لومړنیو پایلو د اعلان لپاره وټاکله خو اوس په دې برخه کې د ژمنې ماتېدو اندېښنې بیا شته.
په وخت د درملوک کمپنۍ راپور سپارل، ولایتونو ته د کمېسیونونو د کارکوونکو د لیږد لپاره د هوايي ځواک پوره مرسته، مناسب اقلیمي وضعیت، د بیا شمېرنې محلونه باید د ټولو محلونو له پنځوس سلنې زیات نه وي او د کار په برخه کې د ټیمونو د څارونکو ستونزې نه جوړول د لومړنیو پایلو د اعلان لپاره مشروطي موارد ټاکلي دي، خو داسې ښکاري چې ځینې موارد نه دي تطبیق شوي.
درملوک کمپنۍ د تصفیې په برخه کې د ثابتو ځانګړونو له مخې ۸۶ زره رايې غیر معیاري وګڼلې، خو تر اوسه یې د ۱۳۷ زره نورو رایو چې قرنطین بلل کیږي وضاحت نه دی ورکړی.
د ثبات او همپالنې ټيم د دې رایو د باطلیدو غوښتنه کړې ده.
د ټاکنو کمېسیون دارالانشاء کمېسیون ته مجموعي راپور وړاندې کړی تر څو هغوی د طرزالعملونه مطابق پریکړه وکړي، له هغې وروسته به کار پیل کیږي چې اساسي برخه یې د رایو بیا شمېرنه جوړوي.
ټاکنو کمېسیون د لومړني مهالویش د نقض اصلي لاملونه کمزوری نیټ، د درملوک کمپنۍ د راپور ځنډ، او د ټیمونو د څارونکو له لوري د کار په وخت کې ستونزې جوړول ښودلي وو.
