د هندوستان د بهرنيو چارو وزارت پاکستان ته د طالبانو د قطر دفتر د پلاوي پر سفر غبرګون ښودلى.
هند ویلي، د افغانستان پر محوریت د سولې له ټولو هڅو ملاتړ کوي.
د هند د بهرنیو چارو وزیر روېش کومار په نوي ډيلي کې خبریالانو ته ویلي، دوى د افغان سولې په تړاو د ټولو هڅو ملاتړ کوي، خو ټينګار يې کړی چې د افغانستان منتخب حکومت بايد د دې ټولو هڅو برخه وي.
روېش کمار زياته کړې چې د سولې ټولې پروسې بايد له قانوني او سياسي اړخه ملاتړ ولري.
کمار ویلي، هندوستان د افغانستان د تېرو ولسمشریزو ټاکنو ملاتړ کړى او پر دې خوښ دی چې په ښه توګه دا ټاکنې تر سره شوې.
هغه ویلي، د ټاکنو په پايله کې له رامنځته کېدونکي قانوني حکومت سره به هندوستان خپلو اړيکو ته ادمه ورکړي.
د ملا عبدالغني برادر په مشرۍ د طالبانو پلاوى تېره اونۍ اسلام اباد ته په سفر تللى او هلته يې د پاکستان د بهرنيو چارو له وزير شاه محمود قريشي، د امريکا له استازي زلمي خليلزاد او نورو سره خبرې کړې دي.
