د ویلچیر باسکېټبال ملي لوبډلې د روان کال اسیا جام اتلولۍ د سياليو پرمهال خپله لومړۍ لوبه کې نیوزیلنډ ته د ۶۳ – ۵۴ امتیازونو په توپېر ماته وکړه.
ټاکل شوې د ویلچیر باسکېټبال ملي لوبډله به په خپله دویمه لوبه کې د راتلونکې دوشنبې په ورځ د هند لوبډلې پر وړاندې ولوبېږي.
د افغانستان د المپیک، بدني روزنې او سپورټ لوی ریاست رییس احمد الله وثیق وايي: « د ویلچیر باسکېټ بال ملي لوبډلې د ۲۰۲۵ اسیا اتلولۍ سیالیو په خپله لومړۍ لوبه کې نیوزیلنډ ته د ۶۳ – ۵۴ امتیازونو په توپیر ماته وکړه. افغان لوبډله به خپله دویمه لوبه راتلونکې دوشنبه د هند پر وړاندې ترسره کړي.»
افغان لوبډله د اسيا اتلولۍ جام په سياليو کې په A ګروپ کې له نیوزیلنډ، هند او عراق سره سیالۍ کوي.
دغه سیالۍ د ټایلنډ په کوربه توب د ۱۴ هېوادونو د لوبډلو په ګډون د روانې نوامبر په ۷مه پیل شوې دي او تر ۱۵مې به دوام ولري.
