کرکټ بورډ کې نوي بدلونونه !
د افغانستان کرکټ بورډ نوي مشر د دغې ادارې په يو شمېر بستونو کې نوي بدلونونه اعلان کړل.
د دغو بدلونو تر ټولو مهم يې د غوراوي کمېټه کې دي، تر دې وړاندې نوروز منګل، احمد شاه سلیمانخيل او حاجي ولي امين غوراوي کمېټه کې وو چې تر دې وروسته به يې پرځای دولت احمدزی، پاچا حسين او اسدالله خان وي.
دولت احمدزی د نوروز منګل پر ځای د غوراوي کمیټې مشر ټاکل شوی.
همدرانګه د کرکټ د ملي لوبډلې پخوانی مدير شيراغا همکار او د کرکټ بورډ يو ډايريکټر بشير ستانکزی له دندې لېرې شوي او د امو زون پخوانی مشر ډاکټر نورعالم فريد بيرته د امو زون مشر ټاکل شوی.
