هغه له دواړو هېوادونو غوښتي چې جګړه ودروي، اوربند وکړي او ترمنځ موجوده اختلافات او ستونزې د خبرو له لارې حل کړي.
جیان څرګنده کړې:« د افغانستان لپاره د چین بهرنیو چارو وزارت ځانګړی استازی د افغانستان او پاکستان ترمنځ د منځګړیتوب په موخه دې هېوادونو ته په سفرونو بوخت دی. چین هیله لري چې دواړه خواوې جګړه ودروي او له زغم کار واخلي، ژر تر ژره مخامخ خبرې پیل او اوربند ته ورسیږي او ترمنځ اختلافات دې د خبرو اترو له لارې حل کړي.»
د چارو د شنونکو په باور پاکستان له اوږدې مودې راهیسې په افغانستان کې سټراتیژیک عمق پالي، له همدې امله باثباته حکومتي جوړښت د خپلو ګټو پر زیان ګڼي او په هیڅ صورت ورته د منلو وړ نه دی.
دا داسې مهال ده چې د چین بهرنیو چارو وزیر وانګ یي وړمه ورځ له خپل افغان سیال مولوي امیرخان متقي سره په ټېلېفوني خبرو کې د افغانستان او پاکستان ترمنځ پوځي اقدامات د ستونزې حل نه و بللی او د تفاهم او رغنده رول لوبولو برخه کې یې د چمتووالي ډاډ ورکړی و.
نوموړي دغه راز ویلي و چې په روانه جګړه کې د افغان بې ګناه ملکیانو وژل او د ملکي تاسیاتو په نښه کول ورته د منلو وړ نه دي.
