د راپورونو له مخې، لبنان کې د چهارشنبې ماښام د ارتباطي وسیلو چاودنو کې ۲۰ کسانو خپلو ژوند له لاسه ورکړی.
راپورونه زیاتوي، چې په دې چاودونو کې شاوخوا ۴۵۰ کسان ژوبل شوي هم دي.
له پرونیو چاودنو ۲۴ ساعته وړاندې د سه شنبې پر ورځ د پیجرونو یا پیغام لېږدونکو ۳ زره وسیلو د چاودنو له امله ۱۲ کسانو خپل ژوند له لاسه ورکړی او ۲۸۰۰ نور ژوبل شوي وو.
ایران او د لبنان حزب الله غورځنګ یې پړه پر اسرائیلو اچولې، خو اسرائیلو یې په اړه تراوسه غبرګون نه دی ښودلی.
بل خوا د جاپان ایکام شرکت ویلي، د هغو پیچرونو لاملونه څېړي چې د دې شرکت له لوري جوړ شوي او په لبنان کې یې زرګونه کسانو ته مرګ ژوبله اړولې.
