صعنت او سوداګرۍ وزارت: کابل کې د افغاني تولیداتو ۷ ورځنی نندارتون جوړیږي

ټاکل شوې ده، د سبا پنجشنبې پر ورځ د ( ۱۴۰۲ کال د غويي پر ۲۱ مه) د کابل دحضوري چمن په نړیوال نندارتون کې د هېواد  تولیداتو او محصولاتو اووه ورځنی نندارتون جوړ شي.

د صنعت او سوداګرۍ  وزارت له لورې په خپره شوې خبرپاڼه کې ویل شوي،چې د دې نندارتون موخه د هېواد تولیداتو او محصولاتو لپاره بازار موندنه، د سوداګرو تر منځ د اړیکو رامنځته کول او د تولیداتو د ودې او پراختیا لپاره د خلکو هڅول دي.

په دې نندارتون کې د لاسي صنایعو، طبي تجهیزاتو او درملو په ګډون د بېلابېلو سکتورونو صنعتي، کرنیز، ودانیز محصولات او تولیدات نندارې ته وړاندې کیږي.