مجاهد: په بازارونو کې د خوراکي او سون توکو بیې کنټرولوو

د اسلامي امارت ویاند ذبیح الله مجاهد رسنیو ته ویلي، په مرکز او ولایتونو کې یې ټولو ښاروالیو ته امر کړی، چې د سوداګرو لګښتونه مالوم او اجازه ور نه کړي، چې هغوی په خپله خوښه نرخونه لوړ کړي.

ذبیح الله مجاهد ویلي، په دې برخه کې هڅې روانې دي او تر راتلونکو څو ورځو پورې به دغه ستونزه حل شي.

د ژمي په راتګ سره د خلکو اندېښنې همدې ته دي، چې د خوراکي او سون توکو بیې لوړې شوي او بې وزله خلک یې د اخیستلو وس نه لري.