ایران کې تېر ه ورځ د ولسمشرۍ ټاکنې ترسره شوې، خو راپورونه وايي، چې د رایه ورکوونکو شمېر پکې هغه شان نه و، چې تمه يې کېدله.
د رايه اچونکو ګډون په داسې مهال کې کم رنګ ښودل شوی، چې د دغه هېواد ستر مذهبي مشر آيت الله علي خامنه ايي له رايې اچونې وروسته له خلکو غوښتي وو، چې په پراخه کچه ګډون وکړي.
فارس خبري آ ژانس وايي، په دې ټاکنو کې ۱۴میلیونه رايه اچوونکو برخه اخيستې وه، چې د ټولو رايه ورکوونکو ۲۳ سلنه تشکيلوي.
د ايران د ولسمشريزو ټاکنو په اړه په کور دننه او بهر مدني او سياسي فعالانو وار له مخه دغه ټاکنې نمايشي يادې کړي دي.
ابراهیم رییسي، محسن رضایي، عبدالناصر همتي او امیرحسین قاضي زاده هاشمي د دغو ټاکنو نوماندان وو.