د افغانستان لپاره د اروپایي ټولنې استازی توماس نیکولسن پاکستان ته تللی او هلته یې له پاکستاني چارواکو سره پر افغان سوله خبرې کړي دي.
نیکولسن ویلي، په قطر کې د افغان دولت او طالبانو ترمنځ په ټپه ولاړې خبرې باید د دواړو لوریو د اساسي وړاندیزونو په منلو سره بېرته پیل او پر مخ لاړې شي.
هغه زیاته کړې،په افغانستان کې شته جګړه باید د خبرو له لارې حل شي او دایمي اوربند دې رامنځته شي.
قطر کې د طالبانو د سیاسي دفتر ویاند بیا پر خپله تویټرپاڼه لیکلي، پرون ماښام د بین الافغاني مذاکراتو د تماس ګروپونو ترمنځ ناسته شوې او په کې د مذاکراتو د ناستو په ترتیب او تنظیم هر اړخیز بحثونه شوي دي.