د پکتیا یو شمېر اوسېدونکي وايي، د مرکز ګردیز ښارر ابراهیم خیلو سیمه کې طالبانو ته د ۴۳ سرتېرو له تسلیمۍ ښکاري، چې سرتېرو ته پر وخت تجهیزات نه رسیږي او دا چاره به طالبانو ته پر ښار د ډلیزو بریدونو فرصت ورکړي.
دوی د دغه ولایت امنیتي حالت د اندېښنې وړ بولي او وایي، له پکتیکا ولایت او ډېری ولسوالیو سره د ګردیز ــ لویې لارې تړل شوي او ډېری ولسوالیو کې جګړه روانه ده .
د پکتیا اوسېدونکی وايي: « موږ د پکتیا پر امنیتي چارواکو نیوکه لرو، دوی د جګړې پوځي تکتیکونو سره سم پر مخ نه دې تللي. پکتیا کې امنیتي حالت تر دې حده خراب دی، چې د دې احتمال شته، چې ګردیز ښار سقوط سره مخ شي. »
د پکتیا اوسېدونکي همدا راز وایي، تر دا مهاله ۳ زره کورنۍ بې ځایه شوي، چې سرپنا نه لري او تر اوسه پورې ورسره هېڅ ډول مرسته نه ده شوې .
د پکتیا اوسېدونکی وايي: « پکتیا کې د جګړو له امله بې ځایه شویو کې کورنیو سره تر اوسه پورې د هېڅ یوې ادارې له لوري د خوراکي او غیر خوراکي توکو مرسته نه ده شوې. موږ دې چارې سخت اندېښمن کړي یو. که چېرې پر وخت مرستې ونه شي، دا بې ځایه شوې کورنۍ به له سختې لوږې او بېلابېلو ستونزو سره مخ شي. »
امنیه قوماندان مل پاسوال نجیب الله سرتیر پر ګردیز ښار د وسله والو برید خوب وخیال ګڼي او وایي، ټولو سېمو کې سرتېرو تر میاشتو میاشتو اکمالات شوي او تر اوسه پورې په دې برخه کې نیمګړتېا نه ده رامنځته شوې.
سرتېر زیاته کړه:« خپل پرسونل ته مو پر وخت تجهیزات رسولي دي. سنګرونه مو پياوړي شوي دي. خلک دې په دې اړه تشویش نه کوي.»
له دوو اونیو راهېسې د پکتیا زرمت ، روحاني بابا ، میرزاکې احمدخیلو ، اریوب ځاځیو ولسوالیو کې جګړې روانې دي او له ډېری ولسوالیو سره د ګردیز لارې تړلي دي .