افغان پوست شرکت مشر احمد وحید ویس وايي، د دې سیستم له مخې به توکې د ډیجیټلي سیستم له لارې ګمرګ کیږي،د توکو مشخصات،وزن، بیه او نور مراحل به یې پرلېکه ترسره کیږي او صادر کوونکي هېواد سره به دغه مالومات په کم وخت او چټکتیا سره شریک کېږي.
ویس د ګمرکونو له ادارې هم غوښتنه وکړه،چې زر تر زره له یاد سیستم ګټه پورته کړي او په ګمرکونو کې یې د اسانتیاوو رامنځته کولو غوښتنه وکړه .
له کلونو راهیسې پر افغان پوست نیوکې او د خلکو بي باوري موجوده وه، چې د توکو په لېږد کې شفافیت نشته او په منظم ډول تر مشخصو ادرسونو ژر او خوندي نه رسیږي .
خو تازه دغه شرکت د خلکو بارو ترلاسه کولو، د چارو اسانتیا او د توکو خوندي او پروخت لېږلو لپاره هڅې پيل کړي او په همدې موخه یو ډیجیټلي سیستم ایجادوي.