د پروان ولایت سالنګ ولسوالۍ ځايي چارواکو ویلي، نا پېژانده وسله والو د سویلي سالنګ په اهنګرانو سېمه کې د برښنا یوه پایه پر بمونو الوځولې ده.
د همدې پایې د چپه کېدو له امله په کابل او یو شمېر نورو ولایتونو کې برېښنا پرې شوې او پرون شپه تېاره وه.
بل پلو د هرات ولایت په کهسان ولسوالۍ کې هم له ایرانه د وارداتي برښنا یوه پایه په بمونو الوځول شوې، چې له امله یې له ایرانه هرات ته برېښنا پرې شوې.
دا لومړی ځل نه دی، چې د برېښنا پایې په بمونو الوځول کېږي، بلکې په کراتو ورته پېښې شوي،چې حکومت یې په مهار کې پاتې راغلی دی.